ჟურნალში ნაშრომის გამოსაქვეყნებლად განხილვისა და მიღების პროცესი მოიცავს შემდეგ ეტაპებს და ვადებს:

 

1. აბსტრაქტის მიღების დადასტურება

რედაქცია ავტორს აბსტრაქტის მიღების ტექნიკურ დადასტურებას უგზავნის აბსტრაქტის წარმოდგენიდან არაუგვიანეს 14 (თოთხმეტი) კალენდარული დღისა.

 

2. საბოლოო ნაშრომის ატვირთვის ვადა

აბსტრაქტის მიღების დადასტურების შემდეგ ავტორს საბოლოო სრული ტექსტის მომზადებისა და ატვირთვისთვის ეძლევა არაუმეტეს 4 (ოთხი) კვირისა.

 

3. სტატიის შერჩევისა და რეცენზირების ვადა

ნაშრომის შერჩევა ხორციელდება ორმხრივად დაფარული ანონიმური რეცენზირების პრინციპით. სარედაქციო კოლეგია ჯერ იღებს გადაწყვეტილებას, თუ რომელ დარგობრივ სექციას ან რეცენზენტს გადაეცემა ნაშრომი განსახილველად.

მთლიანი ვადა (მაქსიმუმ): 10 (ათი) კვირა — საბოლოო ტექსტის რეგისტრაციიდან.

– 1) ორმხრივად დაფარული ანონიმური რეცენზირება (ორი დამოუკიდებელი რეცენზენტის მიერ) — არაუმეტეს 6 (ექვსი) კვირისა;

– 2) ავტორისეული ჩასწორება (თუ ნაშრომი მიღებულია პირობითად, რეცენზენტის შენიშვნების გასათვალისწინებლად) — დამატებით არაუმეტეს 2 (ორი) კვირისა;

– 3) მესამე რეცენზენტის ჩართვა და ავტორისეული ჩასწორება (თუ რეცენზენტთა მოსაზრებები არსებითად არ ეთანხმება ერთმანეთს და დამატებით საჭიროა ავტორისეული გადამუშავებაც) — დამატებით არაუმეტეს 4 (ოთხი) კვირისა.

 

4. სტატიის საბოლოო მიღების შესახებ დასტურის გაგზავნა

რეცენზირების (და, საჭიროების შემთხვევაში, მესამე რეცენზენტის ჩართვის ან ავტორისეული გადამუშავების) დასრულებიდან რედაქცია ავტორს საბოლოო გადაწყვეტილებას (მიღება ან უარყოფა) უგზავნის არაუგვიანეს 2 (ორი) კვირისა.