– აფასებენ ნაშრომს ობიექტურად, მიუკერძოებლად და მხოლოდ მისი აკადემიური ღირსების საფუძველზე.

– იცავენ სრულ კონფიდენციალურობას — განხილვის პროცესში მყოფი ნაშრომის შინაარსს არ ავრცელებენ და არ იყენებენ პირადი მიზნებისთვის.

– დაუყოვნებლივ აცნობებენ რედაქციას ინტერესთა კონფლიქტის არსებობის შემთხვევაში და თავს იკავებენ ისეთი ნაშრომების რეცენზირებისგან, რომლებთან დაკავშირებითაც აქვთ პირადი, პროფესიული ან ფინანსური ინტერესი.

– წარმოადგენენ დასაბუთებულ, კონსტრუქციულ და პროფესიულ შეფასებას, თავს იკავებენ პირადული ან შეურაცხმყოფელი კომენტარებისგან.

– იცავენ დადგენილ ვადებს და, ვადის დაცვის შეუძლებლობის შემთხვევაში, დროულად აცნობებენ რედაქციას.

– დაუყოვნებლივ აცნობებენ რედაქციას პლაგიატის, მონაცემთა გაყალბების ან სხვა საეჭვო ეთიკური დარღვევის შემჩნევის შემთხვევაში.

– არ იყენებენ განსახილველი ნაშრომის იდეებს, მონაცემებს ან დასკვნებს საკუთარი კვლევისთვის რედაქციისა და ავტორის ნებართვის გარეშე.